Good-Thought

सेखावाटी सुबिचार 101-144

webadmin — Wed, 26 Jun 2024 03:58:31 +0000

सेखावाटी सुबिचार 101-144 webadmin Wed, 06/26/2024 - 09:28

1.   पणो काम कै ह? सही बिवार करबो, बस याही घणों है। – साई बाबा
2.   वन को मतलब है, सदाँ राजी रहबो। – दलाई लामा
3.   पाँ नै आपणी आँख्याँ परेसानी पै नी, भगवान पै गडोर परातना करणी चाईजे। – ओसवाल्ड चैम्बर्स
4.   पाँ नै न तो पाछै कै बारा मे पछतावो करनो चाईज्ये, ओर न ई आगै का बारा मै सोचनो जाईज्ये, समजदार मिनख तो सदाँ आज का टेम पै ही गोर करै है। – चाणक्य
5.   सादा सादगी अर सरलता सूँ ही अदभुत चीजाँ को जनम होवै है। – अमोलिया बार
6.   पोथी पडबा सूँ आपाँ नै अकेला मै बिच्यार करबा की आदत अर साँची खुसी मिलै है। – सर्वपल्ली राधाकृष्णन
7.   किस्सा भी सबद नै काम मै जद्‌याँ ल्यो कै, कोई बी दूसरा सबद सूँ ऊपै जीत न सकै। – तिरुवल्‍लुवर
8.   कोई बी थाँरी सुवारी जद्‍याँ ताईं न कर सकै, जदै ताईं थाँरा मँगर नीचा न है। – मार्टिन लूथर किंग जुनियर
9.   साँच बोलबा क्लै काँई त्यारी न करणो पड़ै, साँच तो दिल सूँ निकळै है।
10.   थ्हाँरो कुणबो कितरो भागवान है यो मायनो कोनी राखै, थाँरो कुणबो कितरो खूस है।
11.   चंगाई सबसूँ बडी इनाम है, सान्ति सूँ रहबो ई बडो धन है, सावकारी सबसूँ बडो बेवार है। – गौतम बुद्ध
12.   असल मै बडो मिनख वो है, जखो खुद कै सागै बुरो करबाळा को बी, भलो ई सोचै है। – महात्मा गांधी
13.   एक हजार बुरा सबदाँ सूँ चोखो एक सबद है, जखो मन नै सान्ती दे। – गौतम बुद्ध
14.   आपाँ कै करबो चावा‌ं हां, आ बिना जाण्याँई पाबा कै क्लै जीवन नै दाव पै लगाबो ई दुख की बात है। – डॉन हेराल्ड
15.   आपां मिनखा का बणायेड़ा नेम नै तोड़ सकाँ हां, पण भगवान का नेम नै कोनी। – जुल्स वेर्ने
16.   आपणो एक ई जीवन है, तावलो ई यो पूरो होजावगो , ज्यो आपाँ भगवान बेई कराँ हा बस वो ई बचअगो। – मुहम्मद अली
17.   जायदाद का दोलतमन्द कै जाणै मैन्त को नसो, जीवन ऊ कोनी ज्ये आपणा पूरखा पै जियो जावै।
18.   जायदाद मै सदा धन, दोलत, अर ठाम ई कोनी मिलै, कदै कदै जम्मेदारी बी मिलै है।
19.   पणो काम कै है? सही बिवार करबो, बस याही खूब है। – साई बाबा
20.   पाँ नै आपणी आँख्याँ परेसानी पै कोनी, भगवान पै गडोर परातना करणी चाईये। – ओसवाल्ड चैम्बर्स
21.   आपाँ नै न तो पाछै कै बारै मै पछतावो करणो चाईजे, ओर न ई आगै का बारा मै सोचणो जाईजे, समजदार मिनख तो सदाँ आज का टेम पै ही गोर करै है। – चाणक्य
22.   ज्ये ग्यानी है बिनै समजायो जा सकै है, अर मुरक नै बी समजायो जा सकै है, पण जखो घमण्डी होवै बिनै न्ह समजायो जा सकै।
23.   हरेक चीज सुवावणी होवै है, पण हर कोई बिनै देख न सकै। – कन्फ्यूशियस
24.   सगळा जीवता जीवाँ पै दया राँखो, नफरत सूँ तो नास होवै है। – भगवान महावीर
25.   हर कोई दनियाँ नै बदलबा की सोचै है, पण खुद नै बदलबा की कोनी सोचै। – लियो टॉलस्टॉय
26.   हर टाबर या खबर लेर आवै है कि भगवान मिनखाँ नै लेर, मन मै दुखी कोनी होयो। – रवींद्रनाथ टैगोर
27.   हर साल अपणा जन्मदन पै थ्हांनै एक नई सुरुआत करबा को मोखो मिलै है। – सैमी हैगर – सैमी हैगर
28.   कदै फूरसत मिलै तो खुद की कमी पै बी गोर करनौ चावै, दूसरा नै आईनों दिखाबा की आदत छुट जावै गी।
29.   खुद की इज्‍जत नै बचाबो आपणो पहलो धरम है। –प्रेमचन्द
30.   कोई भी बडो आदमी, मोको न मिलबा को बाहनो कोनी बणावै। – राल्फ वाल्डो एमर्सन
31.   थ्हांरौ मान सम्‍मान जदै तक है, जदै तक थ्है कोई कै सामै सायता क्लै हात न फैलावै। – प्रेमचन्द
32.   अपणी गलती मान लेबो बी निरदोस होबो है – प्रेमचन्द
33.   याद राँखो सबसूँ बडो अपराध अन्याई सहबो अर गलती नै सई मानबो है। – सुभाषचन्द्र
34.   किताब एक बाग है जिनै गोज्या मै राँख सकै है, किताबाँ नै कोनै पडबो तो किताबाँ नै बाळबा सूँ भी जादा गुनो है। – रे ब्रेडबरी
35.   रूपिया बरबाद करबा सूँ थाँरै कनै रूपिया कोनी रहवै, पण टेम बरबाद करबा सूँ ज़िन्दगी को एक टुकड़ो बीत ज्यावलो। – माइकल ईबोईफ
36.   कोई भी मन पूछ्याँ बिना मन दुखी न कर सकै। – म्हात्मा गाँधी
37.   टाबरा की भलाई मै ई सारा मिनखाँ की भलाई है। –जेंस
38.   ज्ये दुसमन थाँकै ऊपरै हमलो करै है, बिसूँ मत डरपो, अस्या बायेला सूँ डरपो, जे थाँरी झूँठी बडाई करै है। – जनरल ओवगोन
39.   डरपर जीबा सूँ चोखो तो मर जाबो चोखो है। – एमिलियानों जापाटा
40.   अगर थ्हानै खुद पै भरोसो कोनि तो थ्हे सदाँ, न जीतबा को बाहिनो हेर लेवला। – कार्ल लेविस
41.   मिलर काम करबा की खास बात है, कै थ्हाकै लारै सदाँ ओर लोग भी रहवैला। – मार्गरेट कार्टी
42.   जीवन मै ज्हे दूसरा क्लै न जीयो, वो जीवन कोनी। – मदर टेरेसा
43.   कायर बणर सो साल जीबा सूँ बडिया है, कै बहादूर बणर एक साल ई जीवो। – मैडोना
44.   जणा आंपा रिस्ता क्लै टेम कोनी निकालै, जणा टेम आंपा नै रिस्ता सूं निकाल दै है

सेखावाटी सुबिचार 1-50

webadmin — Wed, 11 Nov 2020 03:22:38 +0000

सेखावाटी सुबिचार 1-50 webadmin Wed, 11/11/2020 - 08:52

1. थ्हे कोई बी मिनख ऊं बिकी बोली (भाषा) म बातां करो, जखो बो समजतो होवै अर बात बिकै समज म आती होवै, पण थ्हे बिसूं बिकी खुद की बोली म बात करोगा तो बा बिकै दिल म जासी। - नेल्सन मंडेला

2. हरेक नै राजी करणो आपणै बस म कोनी, पण कोई नै आपणी बजै सूं दुख ना पूंछै आ तो आपणै बस म है।

3. गळती जिंदगी को एक “पन्‍नो” है, पण नाता जिंदगी की “पोथी” है। जरूत पड़बा पै गळती को पन्‍नो फाड़ देणो, पण एक “पन्‍ना” क्ले पूरी “पोथी” कोनी खोणी।

4. बडा सुपना देखबाळा का बडा सुपना सदा पूरा होवै है। - ए.पी.जे. अब्दुल कलाम

5. जिंदगी तो आपणै दम पै बी जी जा सकै है। दूसरै का खुंवा पै तो जनाजो ठायो जा है। - भगत सिंह

6. चोखा कै सागै चोखा रहवो, पण बुरा कै सागै बुरो कोनी बणणो, क्यूंकि पाणी सूं लोई साफ कर सकां हा, पण लोई सूं लोई कोनी।

7. “मिनख” एक “दुकान” है अर जुबान बिको ताळो! जद ताळो खुलै है, जणा बेरो पड़ै कि दुकान सोना की है या फेर कोयला की है।

8. मनै कोनी बेरो कि मै एक चोखो भायलो हूं या फेर कोनी, पण मनै पूरो बिसवास है कि जखा कै सागै मेरी भायलाचारी है, बै भोत चोखा है।

9. कोई दरखत नै काटबा क्ले मनै छ घंटा द्‌यो अर मै सरू का च्यार घंटा करोत की धार पैनी करबा म लागास्यूं। - अब्राहम लिंकन

10. जखो मिनख आपगी झाळ नै आपगै ई ऊपर झेल ले है, बो दूसरा की झाळ सूं बच ज्या है। - सुकरात

11. जुग की सगळी पोथियां नै पढबो, झैर पीबा कै बरोबर है।-टालस्टाय

12. जे थ्हे चावो हो कि कोई थ्हारी बडाई करै, तो पेल्यां थ्हे दूसरा की बडाई करबो सीखो। - एमर्सन

13. बडाई बो ओजार है, जखाऊं बेरी नै बी भायलो बणायो जा सकै है। - दयानन्द सरस्वती

14. ठाडी मेनत करो अर सबर करो, थ्हानै थ्हारो फळ जरूर मिलसी।

15. एक बर जे थ्हे कोई दावो कर दियो तो थ्हानै बिनै निभाबा क्ले ठाडी मेनत अर सीख की जरूत होवै है। - हैले गेब्रसेल्सी

16. खाली अर खाली थ्हारी ठाडी मेनत ई थ्हानै चोखी किसमत दे सकै है। - हेरी गोल्डन

17. कोई बी मनै मेरी मरजी कै बना दुखी कोनी कर सकै। - महात्मा गांधी

18. मै मेरै जीवन म बा लोगां ऊं क्यूंई कोनी सीख्यो, जखो मेरै ऊं सैमत होवै। - डुडले फील्ड मैलोन

19. इतियास म कदे बी बातचिता ऊं कोई कल्डो फेर-बदळ कोनी कर्यो जा सकै।

20. आद राखो सैऊं बडो अपराद जुलम सैणो अर गळत कै सागै समजोतो करनो है। - सुभाषचन्द्र बॉस

21. देसभगता नै लोग सदाई बावळा कहवै है, सीनै पै जखा जखम है, बै सगळा फूलां का गुच्छा है। म्हानै बावळा ई रहबा द्‌यो, म्हे बावळा ई चोखा हां। - भगतसिंह

22. बै मिनख कदे बी सुफल कोनी हो सकै जखा फळ ऊं जादा कार म आबाळी मुसिबतां कै बारै म सोचै है।

23. मिनख जद बुरो बणै है जणा खुद नै सैऊं चोखो समजबा लागै है।

24. जद तांई आपां ओ जाणा कि जिंदगी के है जणा तांई बा आदी खतम हो ज्याय है।

25. नै तो अत्ता खारा बणो कि कोई थूक दे अर नै ई अत्ता मीठो बणो कि कोई गिटज्या।

26. थ्हे पाणी की जंय्या का बणो जखो अपगो गेलो खुद बणा ले है, भाठा की जंय्या का मत बणो जखो दूसरै कै गेला नै बी रोक ले है।

27. अकास म उडबा की मनाई कोनी है, सरत खाली अत्ती है कि धरती नै अणदेखी मता करो।

28. दिनगे की ‘चा’ अर बडा की ‘राय’ टेम-टेम पै लेणी चाये।

29. खाली बो मिनख जखो थ्हारी परवा करै है, थ्हानै जद बी सुण सकै है जद थ्हे चुप रो।

30. जखा कनै एक चोखो भायलो है बिनै कोई बी काच की जरूत कोनी। - रुमी

31. आ बात जरूरी कोनी है कि जखो मिनख थ्हारै सामी थ्हारै बारै म चोखो बोलै है। आ जरूरी है कि बो थ्हारै पाछै बी थ्हारै बारै म चोखी बात बोलै। - अरविंद कटोच

32. चोखा मिनखा की सैऊं बडी खूबी आ होवै है कि बानै आद राखणो कोनी पड़ै, बै आपेई आद रहज्या है।

33. चोखी जिंदगी जीबा का दो ई तरीका है। एक तो जखो थ्हानै दाय है बिनै पाल्यो। दूसरो जखो थ्हारकनै है बिनै दाय करबो सीखल्यो।

34. चीज्यां की कीमत मिलबाऊं पेल्या होवै है अर मिनखा की कीमत खोबा कै पाछै।

35. जखा दिल का चोखा होवै है, दिमाक आळा सदाई बांको चोखो नफो ठावै है।

36. नीत कत्ती बी चोखी होवो दुनिया थ्हानै थ्हारै दिखावै सूं जाणसी, पण दिखावो कत्तो बी चोखो होवो ऊपरलो सदाई थ्हानै थ्हारी नीत ऊं जाणसी।

37. डूंगर ऊं पड़ेड़ो मिनख फेर ऊठ सकै है, पण निजरा ऊं पड़ेड़ो मिनख कदे बी कोनी ऊठ सकै।

38. एक साल म पचास भायला बणाबो आम बात है, पण पचास साल तांई एक ई भायला ऊं भायलचारी निभाणी खास बात है।

39. काम, झाळ अर लोभ अ तीन्यू नरक का बारना है। -कबीर

40. खुद ई आपगै सुपना नै सुफल करो, नी तो ओर थ्हानै आपगा सुपना नै सुफल करबा क्ले मोल कर लेगो। - फराह ग्रे

41. डरपोक मिनख मरबा ऊं पेल्यां ई कई बर मरै है, पण भादूर मिनख जीवन म एक बर ई मरै है। - शेक्सपियर

42. बडो कार करबा को एक ई तरीको है कि थ्हे जखो बी कर्यो है, बिसूं लाड करो, जे थ्हानै अबताणी अंय्या को कार कोनी मिल्यो, तो ढूंढता रो, नै की एक जगां बेठ्‌या रो। – स्टीव जोब्स

43. बिको ई कार सीद होसी, जखो टेम गेल कार करसी। - वृन्द

44. माड़ै मिनख कै सागै भलाई करबो, चोखै मिनख कै सागै बुराई करबा कै बरोबर है। - सादी

45. अंय्या को कोई कार मता करो जखो दूसरा ऊं लुखाणो पड़ै। - जवाहरलाल

46. सुख को नेम निरोगाई है अर निरोगाई को नेम कसरत करबो है। -टामसन

47. जखा नै हारबा को डर है, बिकी हार पाकी है। - नेपोलियन

48. जखो दूसरा की भलाई करसी, बो आपगी भलाई खुद ई कर लेसी। भलाई करबो कोई फळ म कोनी, पण करम करबा म ई है, क्यूंकि सुब करम करबा को ई चोखो इनाम है। - सेनेका

49. भलाई करबो कोई जिम्मेवारी कोनी, मजो है क्‍यूंकि बो थ्हारै निरोगाई अर सुख की तरकी करसी। - जरथुष्ट्र

50. करम नै करबाऊं, करम करबो चोखो है। - श्रीमद् भागवत गीता

सेखावाटी सुबिचार 51-100

webadmin — Wed, 11 Nov 2020 03:15:53 +0000

सेखावाटी सुबिचार 51-100 webadmin Wed, 11/11/2020 - 08:45

51. खुद ही आपरा स़पनो ने स़ाचा करो नी जणो कोई दुजो आपने आपरा स़पना स़ाचा करण रे वास्ते खरीद ले ला - फराह ग्रे

52. डरपोक मिनक आपरी जिन्दगी में घणी मौतो मरे है पण बहादूर आपरी जिन्दगी में एकबार इज मरे है - शेक्सपियर

53. उनो इज कोम पुरो होवे है जको टेम ने बिचारन कोम करे - वृन्द

54. एड़ो कोई कोम मती करो जके कोम ने मिनकों ऊ लुकावणो पड़े है - जवाहर लाल नेहरू

55. उल्लु ने दिन में नी दिखे, कागले ने रात में पण ऐब एड़ो ओन्धो है जके ने नी तो दिन में दिखे नी रात में - भृतहरी

56. जिन्दगी खुद ने जोवण वास्ते नी है, जिन्दगी तो खुद ने बणावण वास्ते है - जार्ज बर्नड सा

57. दोन देवणो ई मजुरी रो एको-एक द्वार है - स्वामी रामतीर्थ

58. रुपिया थोरा नोकर है जे थे रुपियो ने कोम लेणी जोणो हो तो - होरेस

59. ग्योन आळो दोस्त ही स़ैगो ऊ मोटो बरदोन है - युरिपिडीज

60. धर्म तो मानव समाज रे वास्ते अमल है - कार्ल मार्क्स

61. जिके में धीरज है जिको मेनतऊ नी डरे कोमियाबी उन्नी दासी है - स्वामी दयानन्द सरस्वती

62. अपोरो लक्से स़ाच होणो जोईजे नी के स़ुख - सुकरात

63. कळ्डोण रे मुकाबले भोळो रेवण में घणो फायदो है - गौतम बुध्द

64. पाप एक अन्धारो है जको ग्योन रो चोनणो होतो ई जावे परो है - कालिदास

65. ग्योन बो हतियार है जके ऊ थे पुरी दुनिया बदळ सको - नेल्सन मंडेला

66. स़ीखण रो जोस पैदा करो, जे थे ओ कर लियो तो थे कठेई नी अड़ो हो - ऐंजेलो

67. पढाई जिन्दगी री तियारी नी है पढाई खुद जिन्दगी है - जाँन डेवे

68. सिक्सा अपोरे समाज री आत्मा है जिकी एक पीढी ऊ दुजी पीढी ने देवो - जी के चेस्तोरेसे

69. सिक्सा रा मुख्ये दो लक्से पेलो ग्योनी दुजो चरितर - मार्टिन लुथर किंग

70. जिन्दगी इयो जियो के काले मर जाओ, ग्योन इयो लेवो के थे अमर हो - गाधी जी

71. पेला खुद ने बदळणो पड़ी है जेड़ो थे दुनिया ने देखणी चावो हो - गांधी जी

72. थोने थोरो विकास थोरे मोईनु इज करणो है, थोने कोई सीखा नी सके, थोने कोई धर्मिक नी बिणा सके, थोने कोई सिखावणाळो कोई दुजो नी थोरी आत्मा है - स्वामी विवेकानन्द

73. फोरा दिन आवे जणो केई मिनक हार जावे है पण केई आपरो नोम कर लेवे है - शिव खेड़ा

74. देस रो स़ैगोऊ स़करो दिमाक किलास री लारली कुरसी माथे मिळ सके है - अब्दुल कलाम

75. जीतनाळा की नारो कोम नी करे बे कोम ने नारे तरिके ऊ करे है - शिव खेड़ा

76. मोटो स़ोचो, बेगो स़ोचो, धके स़ोचो विचार माथे किनेई धणीआप नी है - धीरुभाई अंबानी

77. आपरे कोम ने बैगो पुरो करणाळो कदेई मोरत नी देखे है - चाणक्य

78. भाग उनोई स़ाथ देवे है जको हर मुसकल में आपरे लक्से रे खातर दोड़तो रेवे है - चाणक्य

79. फायदो लेवण रे वास्ते नेते री जरूत नी होवे है - धीरूभाई अंबानी

80. मन में पाप राखणो सबोऊ भयंकर मोटो पाप है - विवेकानन्द

81. भय ही नास अर पाप रो मोटो कारण है - विवेकानन्द

82. जितोई अभ्यास करोला इतो ई अग्योन रो आभास होतो जावेला - विवेकानन्द

83. जिके रे स़ाथे स़करा विचार है बो कदेई एकलो नी रेवे है - विवेकानन्द

84. जिका मिनक परमात्मा तोई पोचणा चावे है बोने वाणी, मन, इन्द्रियो री पवितरता अन एक दयालु जीव री जरुत पड़े है - चाणक्य

85. विस्वास बा संगति है जिकेऊ उजड़ियोड़ी दुनिया में ई चोनणो कर सके है - हेलेन केलर

86. जे अपे जबाब रो हिस्सो नी हो तो खुद अपे एक समस्या हो - शिव खेड़ा

87. कोई अपे ओ नी जोणो हो के आत्मसम्मान, आत्मनिर्भरता रे स़ाथे आवे है - अब्दुल कलाम

88. जीतनळो केवे मन्ने कीं करणो है, हारणाळो केवे कीं होवणो जोईजे - शिव खेड़ा

89. तियारी करणे में फेल होवणो मतलब फेल होवण वास्ते तियारी करणी - बेंजामिन

90. इणु पेला की सपना स़ाचा होवे थोने सपना देखणा पड़ेला - अब्दुल कलाम

91. जिके रे खने धीरज है बो जिको चावे बो पा सके है - बेंजामिन

92. सपना बे नी है जका थे नींद में देखो, सपना तो बे है जका नींद नी आवण देवे - अब्दुल कलाम

93. दुनिया रे माई एक ई चीज गळत है बा आपरी गळती ने दोराणी- गळतियों आ बतावे है के थे मेनत करो हो - संदीप माहेश्वरी

94. सफळता री बराबरी किणी मिनक रे स़ाथे नी करणी - बिल गेट्स

95. जै मिनक थोरे तै करियोड़के कोम माथे नी हसे तो स़मज लेणो थोरे तै करियोड़को कोम छोटो है - अजीम प्रेमजी

96. नी दौड़णो, नी रुकणो बस ब़ैवता रेवो ओ इज कोम में सफलता रो मूल-मंतर है - सदीप महेश्वरी

97. इता कोम में उळज जाओ के चिंता रे वास्ते टेम नी मिळे - संदीप महेश्वरी

98. जै थोरे खने जरुत ऊ स़लो होवे तो जरुताळो में बोंट दो - संदीप महेश्वरी

99. कोई उँचाई इती दोरी नी है के उण तोई जा नी सको - संदीप महेश्वरी

100. लाखो किलोमिटर री यातरा ई एक पोण्डे ऊ स़रू होवे है।